[staff name=”Елена Георгиевска” position=”Автор”][/staff]Кумановскиот Музеј ќе преземе засилени активности со кои би требало годинава, целосно да се заврши конзервацијата на светилиштето и ѕидот кој го опкружува, на Кокино.
-Се работи за ограден ѕид и астрономска платформа кои ќе бидат презентирани на таков начин за да посетителите имаат претстава што всушност се работело на Кокино. Овој простор треба да се подигне на околу еден метар за да биде видлив за посетителите – изјави директорот на НУ „Музеј Куманово“, Јовица Станковски.
Според него на тој начин, ќе се заокружи истражувањето на светилишниот дел на Кокино.
-Може да се консатира дека во последните две години се поголема е бројката на туристи кои го посетуваат Кокино, особено туристи од странство. Освен што доаѓаат самостојно значително е зголемена и бројката и на организирани посети од страна на туристички агенции – изјави градоначалникот на општина Старо Нагоричане, Миодраг Јовановиќ.