Во организација на Балканскиот институт за вера и култура вечер започнува серија јавни предавања под името „Биднина“. Од институтот информираат дека идејата и целта на оваа серија е во контекст на геополитичката и воената криза од светски размери.
– Имајќи ја предвид тековната состојба во светот, еден свет е на заминување, а новиот сѐ уште не пристигнал, и како таа влијае врз Македонија и врз регионот, БИВК остварува соработка со предавачи од разни академски и професионални сфери. Соодветно со нивното релевантно лично и професионално искуство, предавачите на научен, на креативен и на оригинален начин ќе понудат свои видувања и толкувања на оваа состојба, информираат од БИВК.
Првото предавање ќе го одржи Олимпија Христова-Заевска докторанд по меѓународен бизнис на Школата за бизнис од Копенхаген и основач на консултантска компанија и ќе говори на темата „Како да се биде општествено одговорна компанија со трансформативно и позитивно влијание?“.