Претставникот на верификационата комисија на ЗНМ, Горан Трпеноски на неговиот Фејсбук профил објави дека изборот на Младен Чадиковски за претседател на ЗНМ не е според Статутот на организацијата.
Како што напиша Трпеноски, за да се избере претседател на ЗНМ, за кандидатот треба да гласаат мнозинство од присутните новинари, бројка на гласови која што Чадиковски не ја добил.
На изборното Собрание биле присутни 175 од вкупно 555 членови на ЗНМ, а за Чадиковски гласале 86, што е помалку од потребниот минимум.
Во Членот 34 од Стаутот на ЗНМ стои дека претседателот се избира со мнозинство од пристуните на изборното Собрание.
Од телевизијата Канал 5 најавија дека во текот на утрешниот ден за настанатата ситуација ќе ја известат Европската Асоцијација на Новинари за да се утврди дали станува збор за случаен превид или намерна измама, која што би го оспорила изборот на Чадиковски.