„Нашето Неготино има услови за развој, тоа еград на горди македонци, но и град кој е тажен, полн со несреќни луѓе.На градот му требаат промени, и крајно време е СДСМ да го предводи Неготино“, рече вечерва на митингот, Силвана Филипова, кандидат на СДСМ за градоначалник на Неготино.
Луѓето живеат во сиромаштија и невработеност. Индустријата умира. А малкуте вработени се по партиска линија, рече Филипова.
Неготино, вели, замре, стои во место. Праша ако владата исплаќа субвенции, зошто не се исплати грозјето.
„Ова е град каде цистерните вода се секојдневие. На 350 милиони евра се даваат за споменици во Скопје, а а во Неготино нема вода. Водата од времето на СДСМ тројно поскапе, од 6 сега е 18 денари“, рече Филипова.
Укажа, нема улично осветлување и Неготино, затоа го нарекуваат „зона на самракот“.
Неготино, потсети е една голем а депонија. Нема доктори, нема гинеколошко одделение, и затоа не се раѓаат деца во општината.
Вети гасификација, изградба на канализациона мрежа во село Дуброво, изградба на улици и тротоари,изградба на патот Неготино-село Криволак, улици во руралните места.
„Јас сум човек од и за народот“, рече кандидатот за градоначалник, Силвана Филипова.