Денеска владиниот кабинет на Самарас ќе положи заклетва. Ќе се дознае кои 16 министри ја преземаат тешката и одговорна задача да ја извлечат државата од тешката криза.
И самиот самарас, вчера, при положување на заклетвта кажа дека е свесен колку е критично времето за Грција.
„Го молам грчкиот народ да покаже патриотизам, да остане единствен и да ми даде доверба за да можеме со божја помош што побргу да излеземе од кризата“, рече Самарас
Нова Демократија, ПАСОК и Демократската левица, новите коалициски партнери, успеаа да се договорат околу најспорните точки.
Нов министер за финансии ќе биде досегашниот претседател на Народната банка на Грција, Васислис Рапанос.
Работата на владиниот кабинет ќе биде будно следена и критикувана од силната опозиција, предводена од Ципрас.