Пензиите на грчките пратеници се намалени за 60 проценти од 2010 година до сега, како што се намалени и сите други пензии од државната администрација, согласно економските мерки договорени со надворешните кредитори, објави денеса „Нафтемборики“ повикувајќи се на грчкото Министерство за финансии.
Во декември 2009. година грчки пратеник добивал 3.866,16 евра пензија, а од февруари годинава таа е намалена за 51,11 отсто и изнесува 1.975,96 евра.
Ако пратеникот добива пензија од државниот сектор пензијата му се намалува за 70 проценти.
Од април годинава се намалува и за 20 отсто и втората пензија, ако пратеникот добива пензија од друга институција, а исто се намалува и третата пензија за 30 проценти.