До редакцијата на А1он стигна писмо кое е реакција поради узурпацијата на канцеларијата на месната заедница во Бунарџик. Еве што стои во писмото:
„Ви пишувам да ве инфорам за демократската состојба што настана во с.Бунарџик во периодов пред „локалните избори” и се разбира, ваква состојба за првпат по 22 години од независна Македонија се бележи!
– Имено во центарот на населеното место постои културен дом што содржи три простории, мала просторија, сала (поголема просторија) и канцеларија на месната заедница! Од пред 1 – 2 недели, просторијата што порано се употребуваше како канцеларија на месната заедница се узурпира од страна на ВМРО-ДПМНЕ и сега стана во едно и ШТАБ на ВМРО ДПМНЕ и Канцеларија на месниот комитет на ВМРО ДПМНЕ.
– 22 години од независна Македонија на сите ни е јасно дека во една нормална и демократска земја општествениот имот не СМЕЕ да се користи за политички цели, но, во оваа година и пред распишаните локални избори навистина државава и поимот за фер плеј при избори се има сменето! Инаку, претседателот на месната заедница, што ги има дадено клучевите од домот на културата е изгорен ВМР-овец кој без размислување сигурно се согласил да се отвори МК на ДПМНЕ во просториите на домот на културата.
– Просториите на домот на културата досега биле користени за собири и средби (и на политички партии), но сега за прв пат се случува просториите на домот на културата да се отстапуваат за месни комитети“, пишува во писмото.
