Три лица загинаа во тешка сообраќајна несреќа која се случи синоќа околу 1 часот и 40 минути на влезот во Лесоковац кога се преврте македонски автобус.
Според првичните информации објавени во српските медиуми во прашање е автобус кој патувал на релација Битола-Виена.
Во акцијата за помош на повредени учествуваа екипи од Лесковац и Ниш.
Во болницата во Лесковац се пренесени 28 лица, додека четири се згрижени во нишката болница.Синоќа траела вистинска драма кога медицински возила од Лесковац и Ниш се упатиле на местото на несреќата.
– Автобусот беше превртен, тројца патници се затекнати без знаци на живот. Екипите на итната медицинска помош од Лесковац кои први стигнаа на местото на несреќата укажуваа помош на повредените. Имаше патници кои беа заглавени во автобусот. Нив ги ослободуваа пожарникари. Најтешко повредените ги пренесовме во Клиничкиот центар во Ниш. Еден од пациентите кој беше згрижен меѓу првите имаше скршеници на черепот, вели еден од лекарите од итната медицинска помош од Ниш.
Во тек е полицискиот увид и утврдување на причините за несреќата.
Како што информираат српските медиуми, во Лесковац вчера врнело дожд, а од полноќ непрекинато почнал да паѓа сенг, па се претпоставува дека можна причина за несреќата е лизгавиот коловоз или пак грешка на возачот што дополнително ќе се утврди.
Фото: РАС Србија