СДСМ со писмено соопштение реагира на прес-конференцијата на Наум Стоилковски од ВМРО-ДПМНЕ.
„Нема крај на лицемерието на антинародното раководство на ВМРО-ДМПНЕ, партијата симбол на партизација, злоупотреба и притисоци врз администрацијата.
Лицемерно е ВМРО-ДПМНЕ денес да зборува за партизација на инстутциите, кога тоа е истото ВМРО-ДПМНЕ што од Министерството за внатрешни работи направи ВМРО-МВРО по признание на тогашната министерка од нивните редови. Тоа е истото ВМРО-ДПМНЕ кадешто никој друг, туку директно нивниот поранешен претседател ургирал за „заслужени“ вработувања на членови, за што јавноста дозна преку доказите објавени во судските рочишта.
Неодговорно и несериозно е ВМРО-ДПМНЕ да зборува за професионализација кога токму истото ВМРО-ДПМНЕ организираше „лотарија за вработувања“ и преку реално шоу без никакви критериуми вработуваше луѓе во Македонски шуми.
Времето на списоци за вработување и црни тефтери како оние на Гордана Јанкуловска, заврши. Зврши и времето на брутална партизација на институциите и државните и јавни претпријатија.
По започнатиот процес на реформа и професионализација на администрацијата, институциите денес работат професионално, независно и во интерес на граѓаните.
Сите процеси на вработувања се транспарентни, според јасно утврдени законски услови и за сите лица важат еднакви критериуми.
Очигледно е дека антинародното раководство на ВМРО-ДПМНЕ не може да се помири со професионални институции и еднакви услови за вработување и затоа постојано шири лажни вести и конструира непостоечки случаи“ се вели во реакцијата на СДСМ.