Кошаркарот на Лос Анџелес Лејкерс, Леброн Џејмс се искачи на третото место на вечната листа на играчи со постигнати 30 или повеќе поени по натпревар.
Тој ноќеска на средбата со Индијана Пејсерс (104:96) реализира 38 поени, при тоа надополнети со седум асистенции и девет скока.
За Џејмс ова беше 436-ти натпревар со 30+ поени.
Во историјата на НБА лигата пред него во оваа статистичка категорија се само Вилт Чембрлен со 515 и Мајкл Џордан со 562 натпревара.