Невработеноста во Чешка достигна рекордни 600.000 лица

Од:

Во Чешка работа бараат 585.809 лица, што претставува рекорд во поновата историја на земјата и е најголем број на невработени од 1989 година, јави дописникот на МИА од Прага.

Само во јануари месец за работа се пријавиле 40.498 заинтересирани и според податоците на повеќе аналитички компании стапката на невработеност е 10,1 проценти, додека во декември минатата година изнесуваше 9,4 проценти.

На чешка територија најголема невработеност била регистрирана за време на еконмската криза во 1933 година. Тогаш без работа биле 783.000 луѓе, а стапката на невработеност изнесувала над 21 проценти.

Според експертите, негативните резултатите на работниот пазар се должат на намалениот број работни места.

Во јануари фирмите нуделе 33.794 места што е за повеќе од 1.000 места помалку отколку претходниот месец, што покажува дека за едно работно место има 17,3 заинтересирани лица.

Би можело да ве интересира

Маж со нож рани три лица на бензинска пумпа во Прага

Страшна несреќа во Чешка: Повредени се пет лица

(ВИДЕО) Судар на возови во Чешка: четворица мртви, десетици повредени

Катерина Ѓуровски

Чешкиот претседател имаше сообраќајка, пренесен е во болница

(ВИДЕО) Торнадо во Чешка подигна трамболина, а камењата летаа насекаде

Ден на жалост во Чешка