Ен-Би-Си: Трамп бара начини да го екстрадира Ѓулен во Турција

Од:

Белата куќа бара начин да го екстрадира турскиот исламски проповедник Фетула Ѓулен во Турција, со цел да ја одоброволи Анкара за намалување на притисокот врз Саудиска Арабија во врска со убиството на новинарот Џамал Кашоги, тврди Ен-Би-Си, повикувајќи се на извори во американската Администрација.

Според телевизијата, Администрацијата на американскиот претседател Доналд Трамп побарала од неколку федерални агенции на САД да пронајдат законски начини за екстрадиција на Ѓулен, кого Турција го обвинува дека стои зад обидот за воен удар во земјата во 2016 година и бара од Вашингтон да и го предаде. Ѓулен, кој живее во добровилен азил во САД, ги отфрла ваквите обвинувања на Анкара.

Ен-Би-Си тврди дека Белата куќа побарала одново отворање на постапката за екстрадиција на Ѓулен, како и информации за неговиот правен статус во САД, каде тој престојува со зелена карта уште од 90-те години на минатиот век.

Ниту една американска агенција не сакала да ги коментира сознанијата на Ен-Би-Си, додека неименуван турски претставник изјавил дека Анкара на никаков начин не го поврзува случајот на Ѓулен со убиството на саудискиот новинар Кашоги.

– Не гледаме никаква поврзаност меѓу овие два случаи. Сакаме да видиме активности на САД насочени кон екстрадиција на Ѓулен, но ние ќе продолжиме со нашата истрага за случајот Кашоги, изјавил турскиот претставник за Ен-Би-Си.

Би можело да ве интересира

Урсула фон дер Лајен: ЕУ е подготвена да се брани од американските царини со контрамерки

САД не и воведоа нови царини на Русија бидејќи не било соодветно додека траат преговорите за Украина

Горан Наумовски

Кина ја повика Америка на „еднакви консултации“ за царините

Стармер: Светот каков што го знаевме повеќе не постои

Горан Наумовски

Јеменските сили се судрија со американски воени бродови во Црвеното Море

(ВИДЕО) Во сообраќајка загина Ѓулер Ердоган, која беше Мис на Балканот за 2022

Горан Наумовски