На отворањето на 17. Фестивал на европски филм „Синедејс“ вечер во Младинскиот културен центар ќе биде отворена и изложба на фотографии од Самир Љума, насловена „Филм“.
– Со фотографија Љума почнал да се занимава сосема случајно, како што и ја направил фотографијата за постерот за „Панкот не е мртов“ на Владимир Блажевски. И тоа му е прва од низа фотки од снимања каде што работел ангажмани од волонтер, до асистент на камера, до клапер, до директор на фотографија, до продуцент, па сега веќе и до извршен продуцент, соопшти МКЦ.