Во Собранието почна средбата на премиерот Зоран Заев со Независната пратеничка група од ВМРО-ДПМНЕ и коалицијата „За подобра Македонија“ на која се разговара за нацрт-амандманите на Уставот што Владата што до утре треба да ги достави до Собранието, како и за формирањето кординативно тело за помирување.
На првата средба во понеделникот беше разговарано за сите четири точки од барањето на пратениците од опозицијата кои гласаа „за“ отпочнувањето на процесот за измена на Уставот.
Во пратеничката осумка се пратениците Крсто Мукоски, Љубен Арнаудов, Сашо Василевски, Елизабета Канческа-Милевска, Владанка Авировиќ, Зеќир Рамчиловиќ, Нола Исмајловска-Старова и Емилија Александрова.