За соработката и заедничките предизвици, за теми поврзани со енергетиката, миграцијата, надворешната политика, економијата, инвестициите и слично, ќе стане збор на третиот Евро – арапски светски самит што од денеска почнува во Атина под покровителство на Европскиот парламент.
На дводневниот самит под наслов „Заеднички хоризонти“ учествуваат лидери на европските и арапските земји, како и претставници на Европската комисија, додека пак на почетокот, на присутните ќе им се обрати грчкиот премиер Алексис Ципрас.
Свои обраќања на почетокот на првиот ден од Самитот ќе имаат и претседателот на Кипар, Никос Анастасиадис, премиерот на Бугарија, Бојко Борисов, комесарот за миграциска политика, Димитрис Аврамопулос, министри од владите на Мароко, Австрија, Малта, Србија, Египет, Катар, Либија и домаќинот Грција.