Во ликовниот салон на Центарот за современа ликовна уметност „Марко Цепенков“ во Прилеп, денеска ќе биде отворена изложбата на дела од реномираната, 24 – та Интернационална Кичевска ликовна колонија.
На изложбата ќе бидат претставени 25 дела, работени во летните месеци во 2017 година на колонијата на која учествуваа 21 уметник од Македонија, Бугарија, Хрватска, Казахстан, Северен Кипар, од Индија, Турција, Италија, од Египет, Иран, Словенија, од Романија, Косово и од Србија.
Изложбата ќе биде отворена до 31 октомври и е поддржана од Министерството за култура.