Во Струмица вечер почнува дводневниот научен симпозиум за Источно-црковно пеење. Ќе се одржи во храмот „Свети петнаесет тивериополски свештеномаченци“, а е во организација на НУЦК „Антон Панов“ и Струмичката епархија.
Според раководителот на проектот, Киро Козаров, досегашните седум фестивали на Источно-црковно пеење ги мотивирале хоровите, но својата натамошна мисија ја гледа и во насочување кон научната мисла и истражувачите.
– Организирањето на научен симпозиум беше неопходност. Сакаме на едно место да ги собереме значајните и релеватните истражувачи и да ги соочиме нивните трудови (аргументи и знаења) и да создадеме пракса на непосредна меѓусебна комункација меѓу истражувачите, хоровите, организаторите и публиката, рече Козаров.
Манифестацијата почнува вечер со промоција на трудот „Антологија на македонското црквно пеење“ од д-р Јане Коџабашија, а трудот ќе го промовира академик Луан Старова.
Ќе настапат и Градскиот женски хор „Менада“ од Тетово, под диригенство на Ивица Зориќ и Камерниот хор „Херувини“ од Скопје под диригенство на Мирјана Павловска Шулајковска.