Федералната власт на Германија одлучи идната година да им даде на располагање 6,85 милијарди евра на сојузните држави за да им помогне за покривање на трошоците за сместување и интеграција на мигрантите.
Според владини извори, 2,44 милијарди евра ќе бидат за интеграција, вклучително и за изучување на германски јазик, 1,8 милијарди евра за сместување, и 500 милиони евра за социјална помош. До 2022 година, сојузните држави ќе добијат од буџетот околу 15 милијарди евра.
Потегот на Владата на Ангела Меркел е пред клучните регионални избори в недела во Баварија, каде што долгогодишната локална власт на нејзините сојузници од Христијанска социјална унија е загрозена од зголемената популарност на антиимигрантската Алтернатива за Германија.