Иранскиот претседател Махмуд Аџмадинеџад денеска допатува во Каиро, што е прва посета на некој ирански лидер на Египет од Исламската револуција во 1979 година.
Египетскиот претседател Мухамед Морси го пречека Ахмадинеџад на аеродром.
Ахмадинеџад за време на тридневната посета на Каиро ќе учествува на конференцијата на Организацијата за исламска соработка и ќе има средби со египетскиот државен врв.
– Ќе се обидам да го трасирам патот за развој на соработката меѓу Иран и Египет, изјави Ахмадинеџад пред посетата на Каиро.
Односите меѓу Техеран и Каиро се нарушија во 1980 година по потпишувањето на мировниот договор меѓу Египет и Израел.