Владеачката партија СДСМ, преку соопштение вели дека растела нервозата во врвот на ВМРО-ДПМНЕ, па според нив, кулминира со потценување на граѓаните.
„Нервозата во врвот на ВМРО-ДППМНЕ денеска кулминираше со недозволиво понижување на граѓаните. За ВМРО-ДПМНЕ над шестотини илјади граѓани кои гласаа на референдумот се нерелевантни!
Тоа е истата матрица на Никола Груевски преку која со години граѓаните беа малтретирани, понижувани и омаловажувани, која им го кратеше правото на глас, на слободно изразување и слободен говор. Фокусиран на амнестијата, врвот на ВМРО-ДПМНЕ не знае што прави, партијата не знае каде тера“, се вели во соопштението на СДСМ.
Според владеачката партија, нема ништо порелевантно од волјата на над 600 илјади граѓани.