Главниот град на Франција е преплавен од стаорци, а за тоа граѓаните ја обвинуваат градоначалничкат, Ан Идалго. Нејзините противници од редовите на социјалистите ја користат наездата на стаорци за да ја нападнат дека повеќе внимание посветува на активистите за заштита на животните отколку за јавната хигиена.
Стаорците се дел од парискиот пејзаж уште од дамнина, за нив пишувал и Виктор Иго во „Јадници“, а се појавуваат и во филмот на „Дизни“ – Ratatouille.
Бројот на стаорци на улиците на Париз довело до тоа во 1901 година Градот да ги наградува оние што смислувале најдобра техника за нивно уништување, а од бубонична чума, која ја пренесуваат тие, настрадале повеќе од една третина од средновековната париска популација.
На видеоснимките што ги објавуваат граѓаните на Париз се гледаат стаорци во нивните градини и канти за отпадоци по должината на Сена. Луѓето се жалат дека ноќе ги среќаваат во парковите, а дење ги слушаат од грмушките. „Њујорк тајмс“ пишуваше во 2016 година дека Париз е соочен со најголемата криза на стаорци во последните децении, но локалните претставници велат дека нивниот број пораснал уште повеќе поради што градското собрание издвоило еден и пол милион евра во септември 2017 година за спречување на нивното ширење.