Сообраќајот на сите магистрални и регионални патни правци низ државата се одвива непречено, во зимски услови, по претежно влажни коловози. Слаби врнежи од снег се бележат на Попова Шапка и Стража, но, не претставуваат пречка за нормално одвивање на сообраќајот.
Според ЈП „Македонија пат“, намалена видливост до 100 метри поради магла има кај Страцин. По клисурите и засеците е можна почеста појава на поситни одрони, посебно на патните правци Маврово-Дебар-Струга, Демир Капија-Удово и Катланово-Велес.
Дежурните екипи на „Македонија пат“ се на терен, редовно ги контролираат и одржуваат проодни сите патни правци.
Интензитетот на сообраќајот на патните правци надвор од градските средини е умерен. На граничните премини нема подолготрајни задржувања за влез и за излез од државата.