Младинскиот сојуз од Крушево по 16-ти пат ја организира меѓународната младинска конференција насловена „Европски вредности за иднината на југоисточните европски земји”.
Конференцијата ќе се одржи од денеска септември до 1 октомври во Крушево во соработка со Фондација Фридрих Еберт, канцеларијата во Скопје, како и со поддршка од Пактот за стабилност на Југоисточна Европа преку Германска амбасада Скопје, програмата „Цивика Мобилитас“ и Агенција за млади и спорт.
Конференцијата ќе биде свечено отворена денеска во 18.00 часот и ќе присуствуваат 58 активни младински лидери од 16 земји, и тоа од Македонија, Албанија, Босна и Херцеговина, Бугарија, Хрватска, Франција, Грција, Германија, Косово, Црна Гора, Италија, Полска, Романија, Србија, Словенија и Турција. Тие ќе дискутираат во Крушево за тоа како младите лидери може да го поддржат процесот на Евроатланската интеграција на регионот. Конференцијата ќе резултира со препораки и предлози за промоција на Европските вредности, насочени кон лидерите и младите луѓе од регионот.
На конференцијата, меѓу другите, треба да говорат: Никола Димитров, министер за надворешни работи на Македонија, Ранко Остојич, поранешен министер за внатрешни работи на Република Хрватска, Мерсиха Смаиловиќ активист за човекови права и Дејан Јовиќ, професор по политички науки во Загреб.