Шеснаесет лица се затруле со храна од сендвичарница во Виница. Според информации на А1он, неколкумина биле хоспитализирани во болницата во Штип, а веќе била и затворена сендвичарницата.
Од минатата сабота до сега, околу 50 луѓе во Виница се затруени од храна, а надлежни за превенирање на ваквата состојба се од Агенцијата за храна и ветерина кои ги премолчија и двете труења.
Минатата недела беше затворена скаткарница во Виница, каде се затруја 25 луѓе, а тројца завршија во болница. Слаткарницата беше затворена по труењето од Државниот здравствен и санитарен инспекторат, и повторно отворена дури вчера. По ова се поставува прашањето што прават инспекторите од Агенцијата за храна и ветерина кога им се случува во мал град за една недела да се затрујат 50 лица?
Од Државниот санитарен и здравствен инспекторат за А1он кратко само потврдија за случајот, и наведоа дека нивни екипи изрекле забрана за вршење дејност на сендвичарницата.