Општина Центар реагира на соопштението на ВМРО-ДПМНЕ.
„ВМРО-ДПМНЕ, покрај сите предизвици со кои се соочува државата во моментов, помалку наивно продолжува со ширењето на дезинформации, лаги и невистини.
Општина Центар со ангажирани 95 сезонски работници редовно и посветено се грижи за хигиената и чистотата на улиците и на тротоарите и спроведува успешни акции за собирање на кабаст и на електричен отпад.
ВМРО-ДПМНЕ, покрај користењето на стари слики, упорно заборава дека за собирање на смет од контејнерите надлежно градско претпријатие е ЈП „Комунална Хигиена“, а не општината и таа е адресата на која треба да ги побараат одговорите. Општина Центар во рамките на својот делокруг, редовно ги расчистува и отстранува дивите депонии кои изникнуваат на нејзина територија.
ВМРО-ДПМНЕ, во недостиг на продуктивни предлози и идеи и понатаму се служи со разни деградации и омаловажувања на работата на градоначалникот и на општината.
Заложбите на градоначалникот Саша Богдановиќ и на општината за почиста и поздрава животна средина ќе продолжат и во наредниот период, со редовното одржување на хигиената од страна на надлежните општински служби“ се вели во реакцијата на општина Центар.