Ракометарките на Вардар СЦБТ постигнаа победа на првиот натпревар од осминафиналето на ЕХФ купот. Попладнево во Скопје „црвено-црните“ ја совладаа руската екипа Кубан со 30:28 (12:17).
На почетокот на натпреварот по изедначените неколку минути Вардар водеше со 11:10, но потоа Русинките со серија од 7:1 го завршија првиот дел со позитива од пет голови.
Во првите минути на вториот дел Кубан поведе и со +6, но избраничките на Индира Кастратовиќ заиграа поодговорно и успеаја да изедначат на 25:25, а потоа и да поведат со 27:25. До крајот на натпреварот Вардар ја задржа предноста.
Реванш натпрерварот се игра по седум дена во Русија.