Според последниот извештај на Собранието на Република Македонија, „Мојот пратеник“ кој ги опфаќа активностите на пратениците во законодавниот дом од периодот од 1 јануари до 30 јуни оваа година, како најнепримерен во однос на присуството на седниците е поранешниот лидер на ВМРО-ДПМНЕ. Никола Груевски. Поранешниот премиер во првото полугодие на Собранието имал вкупно 31 отстуство од кои дури 21 неоправдано.
Груевски во овој период присуствувал само на 3 пленарни седници на кои имал само 1 излагање.
Покрај Груевски, најголем број отстуства имаат пратениците кои беа во притвор, Љупчо Димовски 37 отсуства, Љубен Арнаудов 52 отсуства, Крсто Мукоски 53 отсуства, Сашо Василевски 52 отсуства и Јохан Тарчуловски со 37 отсуства.
Според бројот на дискусии во Собранието како најактивни во последните 6 месеци се покажаа координаторите на пратеничките групи на СДСМ и ВМРО-ДПМНЕ, Томислав Тунтев во вкупно 36 излагања од кои 16 дискусии, 14 реплики и 6 процедурални, и Драган Данев со вкупно 54 излагања од кои 12 дискусии, 18 реплики и 24 процедурални.
Најприсутни пратеници на пленарните седници во Собранието со 55 присуства се Анета Симеска-Димоска, Далибор Богдановски, Никица Корубин, Чедомир Саздовски, Лидија Тасевска, Маја Морачанин, Мирослав Јовановиќ, Фросина Ташевска-Ременски, Мира Стојчевска, Панче Иванов, Сашко Костов, Славица Шуманска, Горан Мисовски, Катерина Кузманова, Костадин Костадинов, Милева Ѓоргиева, Ристе Ташев, Агим Шаќири, Алија Камберовски, Бети Рабаџиевска-Наумовска, Сурија Рашиди, Ѓулумсер Касапи, Талат Џафери и Татијана Лалчевска.
Од 1 јануари до 30 јуни одржани се вкупно 24 работни седници од кои 5 седници посветени на пратенички прашања, 2 обраќања и една свечена седница. Од овие седници заврешни се 16, а незавршени 8.
Виктор Јованов