Скопјанецот А.Ш.(32) синоќа, околу 19 часот, со нож бил прободен во грб од лицето А.С. од Скопје на булеварот „8-ми Септември“.
Како што соопшти денеска МВР, А.Ш. синоќа, во 21:30 часот, го пријавил случајот во Полициската станица Карпош.
Синоќа А.Ш. со неговиот другар Е.Ш. возеле велосипед, а до нив се доближило патничко возило „Форд“ со непознати регистарски ознаки, во кое бил А.С. и уште четири непознати лица. Додека возилото било во движење, А.С. го отворил прозорецот и со нож го прободел А.Ш. во грбот, а го погодил и неговиот другар.
Полицијата презема мерки за целосно расчистување на случајот.
