Битолското основно училиште „Св. Климент Охридски“ учебната година ќе ја почне со нова дограма, а средствата за обнова во износ од над 52 илјади евра ги обезбеди амбасадата на Јапонија во Република Македонија.
Од општина Битола информираат дека со донацијата извршена е целосна реконструкција на дограмата која освен прозорците ја опфаќа и влезната врата во училиштето.
– Со поставувањето нова дограма се очекуваат подобра енергетска ефикасност во училиштето и заштеди на топлинската енергија во зимскиот период. Реконструкцијата почна кон крајот на јуни, информираат од секторот за односи со јавност на општина Битола
Изведувач на проектот е „Столб ДООЕЛ“ Битола, а реконструкцијата се одвиваше под надзор на „Скипи ДООЕЛ“ Битола.
