„Армијата се соочува со најлошите услови за работа од нејзиното основање. Војниците од 30-тина населени места во државата три недели немаат платен превоз, работата во стари униформи и недостаток на храна, но Шекеринска од Буџетот за Армијата одвојува 1 милион евра референдумска кампања.
Срамно е да одвојуваш 1 милион евра за референдум, а да оставаш над 8.000 војници без униформи и чизми. Шекеринска пред само две недели го поништи тендерот во висина од 750 илјади евра за набавка на нови униформи и ги остави војниците со стари униформи.
Целосна неодговорност е да одвојуваш 1 милион евра за референдумска кампања во услови кога 1 милион евра чини 4 месечен платен превоз на сите релации на АРМ со кој се превезуваат над 8.000 војници.
Неодговорно е да одвојуваш 1 милион евра кога Армијата има недостаток на толку многу работи.
Граѓаните треба да знаат дека Шекеринска одвојува 1 милион евра за разубавување на капитуланскиот договор, во услови кога за обука на целата армија со над 8.000 припадници, министерството годишно троши 1 милион евра.
Изградба и реконструкција на објекти на Министерството за Одбрана за цела година одвојува само 620 илјади евра.
750 илјади евра Шекеринска одвојува за тековни одржувања на објекти и инфраструктура на цела АРМ за цела година, а 1 милион евра за референдумската кампања.
Шекеринска е целосно неодговорна и расипнички се однесува со парите на Министреството за одбрана. Со Шекеринска на чело војниците мака мачат и страдаат, додека таа се луксузира. Ова мора да запре, Шекеринска е неспособна да го води Министерството за одбрана. СДСМ мора да си оди“ се вели во соопштението на ВМРО-ДПМНЕ.