Грчки дипломат вчера прегази скопјанец на мотор на булеварот Партизански одреди нанесувајќи му тешки телесни повреди, извести телевизијата 24 Вести.
Несреќата се случила синоќа околу 18:30 часот кога Гркот со возило со дипломатски регистарски таблички удрил во мопедот кој го управувал 28-годишен скопјанец кој од ударот се здобил со тешки телсени повреди и веднаш бил пренесен на скопските клиники.
Според информациите на 24 Вести, возилото Сеат Ибица со кое е направена несреќата било управувано од грчки државјанин вработен во амбасадата во Скопје, а од грчката амбасада засега нема коментар за случајот.