Државниот секретар во Министерството за внатрешни работи Магдалена Несторовска денеска се сретна со високиот претставник на УНХЦР во Република Македонија, Моника Сандри.
Од МВР соопштија дека на средбата државниот секретар Несторовска изразила задоволство од досегашната успешна соработка со Канцеларијата на УНХЦР во Скопје посебно за време на мигрантската криза и ја искористила можноста на Сандри да и го честита назначувањето за прв човек на Канцеларијата на УНХЦР во Македонија, посакувајќи и многу успеси и многу нови заеднички проекти.
Во рамките на воспоставената билатерална соработка со високиот Комесаријат за бегалци при Обединетите Нации на крајот од средбата беше потпишан Договор за донација на конференциска видео опрема која има за цел зголемување на ефикасноста и зајакнување на капацитетите на Министерството во извршување на секојдневните активности, посочуваат од МВР.