Штипското комунално претпријатие „Исар“ нема проблеми со водоснабдувањето на градот Штип и неговите приградски населби, во услови на зголемени температури информираше денеска Јасминка Петешева вработена во ЈП „Исар“- Штип.
– Можам да кажам дека ЈП „Исар“ нема никакви проблеми со водоснабдувањето на територијата на Општина Штип. Во моментов просечната дневна потрошувачка на водата за пиење се движи од 170 до 190 литри во секунда. Максималната дневна потрошувачка достигнува и од 270 до 290 литри во секунда, вели Петешева.
Таа потенцира дека тоа се количини на вода, кои ЈП „Исар“ може да ги дистрибуира до домаќинствата и фирмите. Но, како што вели таа останува апелот до граѓаните рационално да ја користат водата, односно преработената вода да не ја користат за наводнување на градините, со цел повисоките зони да не се соочат со намален притисок.