Премиерот на Катар соопшти дека ќе инвестира милиајрда евра во заедничкиот фонд со Атина, како начин за стимулирање на грчката економија која е погодена од рецесија.
Хамад бин Јасим ал Тани, го обелодени планот за инвестирање во Грција, после вчерашните разговори со грчкиот колега, Андонис Самарас, пренесува Капитал.
Премиерот наведе дека влогот на Катар во заедничкиот фонд ќе биде приближно еднаков со влогот на Грција.
„Сакаме договор за вложување сличен на оној кој беше постигнат со Италија пред неколку месеци, кога беше договорено основање фонд со удел на капитал 50:50, со вкупна вредност од две милијарди евра“, изјави ал Тани.