Финскиот весник „Хелсинкин Саномат“ резервираше десетици огласни табли на патот го минаа претседателите на САД и Русија, Доналд Трамп и Владимир Путин од аеродромот до центарот на Хелсинки, за да ги повика да ја почитуваат слободата на печатот.
– Добредојдовте во Финска, земјата на слободниот печат. Лоши работи им се случуваат на новинарите кои му поставуваат прашања на Путин, пишува на огласните табли, кои беа поставени на англиски и руски јазик. Некои од таблите, пак, содржат навредливи коментари за Трамп.
Со ова, најтиражниот фински весник го обвини Путин за ликвидирање на новинарите кои го критикуваат неговиот режим, а Трамп за честите расправии со медиумите.