Полициските кадети од последната класа 2017/2018 година кои не добија решенија од Министерството за внатрешни работи и денеска пред МВР побараа средба и објаснување од министерот за внтарешни работи Оливер Спасовски зошто немаат писмен документ дека се одбиени и од која причина.
– По објавување на ранг листата министерот е должен да донесе решение за склучување на договори според постигнатите резултати на самата ранг листа, појасни Дарко Петкоски кој е еден кандидатите кои не добиле решение.
Кадетите се жалат дека некои од објаснувањата на МВР се дека тие имале криминално досие, а појаснуваат дека кога конкурирале за обуката сите кадети поднеле потврда за неосудуваност. Кадетите бараат МВР да им се извини за таквата навреда и нагласија дека доколку полицијата смета дека се криминалци, тогаш заменик министерот за внатрешни работи Агим Нухиу да понесе одговорност бидејќи тој ги потпишал нивните договори.
Од претходата прес-конференција на кадетите, до сега, десеттина нивни колеги добиле решение од МВР и, според нив, остануваат уште 30 полициски кадети без договор.
