Васка Бајрамовска, заменик народниот правобранител истакна дека во казнено поправната установа во Куманово со години има недостиг на вода поради што осудените и притворените во секоја просторија чуваат вода во пластични шишиња.
Како што кажа заменик народниот правобранител, оваа забелешка е констатирана уште во извештајот од 2014 година, покрај многуте други забелешки кои се однесуваат одземање на основните човекови права на затворениците за кои исто така не се преземаат никакви мерки.
На денешната прес конференција посветена на условите во кои се врши притвор на осудените, Народниот правобранител презентираше извештај во кој е претставена катастрофалната состојба на затворите во Република Македонија, особено на оние во Скопје, Куманово и Струмица.
-Покрај наведеното, при посетата во 2017 година констатиравме повреда на правото на приватност и деградирачка состојба на притворените и на осудените лица, рече Бајрамовска.
Виктор Јованов