По штрајкот на вработените во градскиот транспорт во Атина оваа недела, во следната се најавени нови протести, објави денеска весникот Катимерини.
Следната недела ќе штрајкуваат лекари, медицински сестри и вработени во поморскиот сообраќај.
На 31 јануари лекари и останати вработени во државни болници ќе организираат 24-часовен штрајк заради плановите на владата за реорганизација во здравствениот сектор.
В петок на 1 февруари, синдикатот на државната администрација објави запирање на работата заради протести против реформите во здравството.
Вработените во поморскиот сообраќај ќе организираат 48-часовен штрајк од четврток бидејќи сметаат дека плановите на владата во сферата на поморскиот сообраќај ќе предизвикаат загуба на работни места.