СДСМ со писмено соопштение реагира на денешната прес-конференција на Драган Данев од ВМРО-ДПМНЕ.
„ВМРО-ДПМНЕ продолжува со своето лицемерно однесување кон граѓаните. Опозициската партија повторно избегнува дебата кога станува збор за прашања што се од значаен интерес за државата, граѓаните и нивната иднина.
Договорот е патриотски чин и тоа го знаат и во ВМРО-ДПМНЕ, избегаа од дебата и во Собранието затоа што немаат аргументи.
Залудни се лажните наводи на ВМРО-ДПМНЕ, процесот за ратификација на Договорот со кој се става крај на двеиполдеценискиот спор со Грција е во согласност со процедурите. Не постои поевропски документ од овој Договор и затоа е прифатена одлуката тој да биде со европско знаменце и расправата по него да се води во Комисијата за европски прашања.
ВМРО-ДПМНЕ треба да покаже елементарна одговорност, да излезе од деструктивната матрица, да учествува во процесот што става крај на долгогодишниот спор и да им овозможи на граѓаните да одлучат за македонската иднина“ се вели во реакцијата на СДСМ.