СДСМ со писмено соопштение реагира на прес-конференцијата на Христијан Мицкоски.
„Христијан Мицкоски и ВМРО-ДПМНЕ да не ја кочат туку да дадат поддршка на македонската иднина.
Решението на спорот што цели 25 години ја влечеше Македонија наназад ги брани врвните државни и национални интереси, го зачувува и го зајакнува македонскиот идентитет еднаш – засекогаш.
Целиот демократски свет, САД, Европската комисија, Европскиот парламент, НАТО, Велика Британија, Австрија, Бугарија, упатува честитки за постигнатиот договор и го поздравува лидерството на двете земји.
Во интерес на граѓаните е и ВМРО-ДПМНЕ, како и сите политички субјекти во земјава да се обединат околу врвните државни и национални приоритети.
Тоа е поддршка за просперитет на нашата земја, тоа е поддршка за македонската иднина.
ВМРО-ДПМНЕ и Христијан Мицкоски треба да кажат ДА за референдум на којшто граѓаните ќе го имаат последниот збор.
Христијан Мицкоски треба да покаже зрелост и одговорност и да каже ДА за решението што обезбедува членство на Македонија во НАТО и полноправно членство во Европската унијата!
Да, само заради граѓаните и нивната иднина.
ДА, за македонската иднина“ се вели во реакцијата на СДСМ.