СДСМ со писмено соопштение реагира на денешната прес-конференција на Христијан Мицкоски.
„ВМРО-ДПМНЕ треба да се охрабри и да каже ДА, за македонската иднина.
ВМРО-ДПМНЕ треба да го поддржи зајакнувањето и обзбедувањето на македонскиот идентитет, еднаш-засекогаш.
Граѓаните очекуваат ВМРО-ДПМНЕ да не ја кочи иднината туку да даде поддршка на решението на 25 годишниот спор, што со децении земјава ја влечеше надолу.
По 25 години стагнирање, Македонија нема повеќе генерации за губење.
ВМРО-ДПМНЕ треба да каже ДА за референдум на којшто граѓаните ќе го имаат последниот збор.
ВМРО-ДПМНЕ треба да покаже одговороност и да каже ДА за решението кое што обезбедува членство на Македонија во НАТО и полноправно членство во Европската унијата!
ДА, за иднината на сите граѓани, ДА, за македонската иднина“ се вели во реакцијата на СДСМ.