Изложба на етнолошки предмети беше отворена денеска во Музеј на град Неготино, проект од националната програма од државен интерес, одобрен од Министерството за култура.
Предметите се изложени според материјалот од кој се изработени и нивната намена. Сите се во сопственост на оваа културна установа.
– На почетокот се грнчарските предмети кои покажуваат дека грнчарството било застапено уште многу одамна и било развиено занаетчиство во општина Неготино, појасни меѓу другото Драгица Чекорова, в.д. директор на музеј галеријата.
Изложбата ја отвори м-р Анита Ѓорѓиоска од НУ Музеј Куманово, која нагласи дека оваа етнолошка збирка претставува едно богато културно наследство, кое треба да се негува и презентира.