Изложба насловена „Дали и ти си мигрант?“ на прилепскиот уметник Дарко Талески ќе биде отворена утре вечер од 20 часот во ликовната галерија во Центарот за култура „Марко Цепенков“.
Изложбата е составена од пет портрети на прилепски уметници и низ колаж од лични фотографии, фотографии од настани, со текстуални изјави и факти се отсликува животната приказна на уметниците и нивните семејства кои морале да се преселуваат на балканските простори.
Талески завршил Факултет за ликовна уметност во В.Трново, Бугарија каде и магистрирал на тема медиум и реклама. Има учествувано на повеќе изложби во земјава и во странство. Работи како наставник по ликовно образование во Прилеп.