Најталентираните ученици од општинските основните училишта ќе добијат награди од од Општина Кисела Вода.
Согласно распишаниот оглас од страна на локалната самоуправа, наградени ќе бидат учениците кои освоиле прво, второ, трето место на натпревари од областа на науката, културата, уметноста кои се акредитирани од соодветни установи и институции, добиени во тековната учебна година на државно ниво и на меѓународно ниво.
Наградени ќе бидат и талентираните ученици- спортисти кои освоиле прво, второ и трето место на државни првенства во поединечна и екипна конкуренција, на училишно, клупско и репрезентативно ниво во поединечна и екипна конкуренција во олимписките и неолимписките спортови, согласно класификацијата на Агенцијата за млади и спорт.
Наградени ќе бидат и прво, второ и третонаградените во меѓународни поединечни и екипни натпревари. Во оваа категорија ќе се вреднуваат резултатите на кандидатите кои како државни репрезентативци (во индивидуална или екипна конкуренција) имаат освоено едно од првите три места на Светско, Европско и Балканско првенство, соопштуваат од Општина Кисела Вода.
Условите и критериумите наведени во огласот за доделување на наградите за талентираните ученици и таленитраните ученици-спортисти, се достапни на општинската веб страница на следните линкови:
Воедно, на општинската веб страница се достапни и барањата и изјавите потребни за аплицирање на конкурсот.
Рокот за пријавување започнува од денес, 30.05.2018 година и трае 5 дена од денот на објавувањето на огласот. Барањата и изјавите со потребната документација да се доставуваат по пошта на адреса Општина Кисела Вода ул. „Петар Дeљан” бр.17, или во архивата на општината со назнака – „За избор на талентирани ученици” – Комисија за доделување на награди за талентирани ученици од општинските основни училишта на Општина Кисела Вода.