Mercedes ја претстави првата генерација на А класата во 1997 година, никој не се осмели да каже: „И ова е вистински Mercedes”, од едноставна причина што иако беше технички напредна и квалитетно направена.
Сите тврдеа дека големината навистина е битна. Да, точно е, барем половина од човештвото тврди дека големината е битна, но сите, без исклучок, се согласуваат дека името е побитно.
Најновиот претставник во компакт премиум класата сега е вистински Mercedes, модел кој гордо ја предводи големата гама возила со трокрака ѕвезда на носот, а како најнов меѓу нив, го предводи и насочува дизајнерскиот стил на сите идни модели кои допрва ќе се појават. Третата генерација на А класата се одликува со забележително емотивен дизајн, кој и е потребен да го создаде наново својот имиџ.
Моторната понуда на почетокот ќе се состои од 1,6 и 2,0 литарски бензински турбо мотори со 122, 156 и 211 KS, а од дизелите ќе бидат достапни 1,5, 1,8 и 2,2 литарските со 109, 136 и 170 KS, сите опремени со старт-стоп систем и шестстепени мануелни менувачи.
А цена која треба за неа да се плати (стартува од 22.950 евра), е последниот факт кој докажува дека А класата сега навистина е вистински Mercedes.