Вработените во јавниот транспорт во Атина објавија дека ги продолжуваат протестите и покрај вчерашната одлука на грчкиот суд, кој го определи како незаконски штрајкот во атинското метро.
Освен вработените во метрото, штрајкуваат и службениците во трамваите, автобусите и тролејбусите. Протестните дејствија тие планираат да ги продолжат и утре и задутре.
Се очекува штрајкот да создаде проблеми за движењето во грчката престолнина во најфреквентниот период од денот.
Транспортните службеници протестираат против планираното намалување на платите. Законот предвидува платите да бидат намалени за 25 отсто, но синдикатите тврдат, дека тоа ќе биде 50 процентно намалување.