Во рамки на проектот „Мојот убав град“ хортикултурно се уредени повеќе локации во Неготино, а реализацијата е на Јавното претпријатие” Комуналец”.
– Се разубавуваше централното градско подрачје, паркот во близина на Музејот, околината на спортската сала Младост и други локации во Неготино, вели неготинскиот градоначалник Тони Делков.
Засадени се зимзелени украсни жбунести растенија за разубавување на просторот, а истовремено на повеќе места се изврши косење на нараснатата трева.
– Активностите од проектот „Мојот убав град“ продолжуваат и ќе се одвиваат во континуитет на територијата на целиот град, а планирано е хортикултурно уредување и на влезот и излезот на Неготино, додава градоначалникот.