Марк Селби е новиот освојувач на Лондонскиот Мастерс во снукер, откако во финалето го совлада минатогодишниот победник Нил Робертсон со 10:6.
По првата сесија Селби поведе со 5:3 во финалето играно во Александра Палас.
Првите три фрејма ги освои Селби од кои два со брејкови од 78 и 102, потоа Робертсон одговори со брејк од 78. Петтиот му припдна на Селби со брејк од 84. Во шестиот Робертсон имаше убава позиција да го продолжи брејкот од 45 но ја промаши сината топка, Селби го искористи тоа и поведе со 5:1. Следните два ги освои Австралиецот.
По паузата, во вечерниот термин од 20:00 часот, Селби продолжи како што го почна мечот со три освоени фрејма и огромно водство од 8:3.
12-от фрејм и двајцата направија неколчку грешки пред Робертсон да го направи брејкот од 74 и да намали на 8:4 пред 15-минутната пауза. Во 13-от фрејм Селби промаши една лесна црвена топка за средната дупка, која го чинеше фрејм. во 14-от фрејм при водство од 50-26 Селби ја промаши розевата преку средната мантинела, тоа беше храбар потез и немаше среќа, Робертсон искористи и намали на 8:6.
Одлична игра на Селби во 15-от фреј го зголеми водството на 9:6 и дојде на еден фрејм од титулата. А во следниот фрејм некако двајцата заиграа слабо, кога требаше, Робртсон постави снукер позиција, Селби се извлече и остави отворена црвена за средната дупка, но тогаш Нил удри некако анемично и ја промаши. 37-9 за Селби, Робертсон повторно промаши лесна црвена, по неколку минути играње дефанзивно, Селби ги загуби нервите одигра една многу тешка црвена преку мантинелата и го освои мечот.
Селби останува прворангиран на листата и побогат за 175 илјади фунти.