Рекорден број од 62 меѓународни играчи од 33 држави ќе играат во НБА плејофот што почнува овој викенд, објави денеска лигата.
Во соопштението на НБА се вели дека сите 16 тимови кои се во плејофот на Источната и Западната конференција ќе имаат најмалку еден играч во странство.
Јута Џез и Филаделфија 76-ки ја предводат „странската легија“ со седум играчи од странство, додека Бостон Селтикс, Торонто Рапторс и Сан Антонио Спарс имаат по шест такви играчи.
Од Франција и Австралија има по седум играчи, потоа Канада и Шпанија (по четири), додека Турција, Хрватска, Камерун и Бразил имаат по три.
Триесет и шест европски играчи ќе играат во плејофот, вклучувајќи го и четирикратниот НБА шампион од Франција, Тони Паркер, кој ќе го оствари својот 17-ти по ред плеј-офот, со натпревар за Сан Антонио.
Претходниот рекорд за играчи од странство во плејофот – 60 – беше поставен во 2007 година.
Натпреварите за плејофот во НБА почнуваат в сабота – Голден Стејт Вориорс ќе бидат домаќини на Сан Антонио Спарс.