Министерот за внатрешни работи Оливер Спасовски денеска во Софија учествува на неформалниот состанок на министрите за внатрешни работи на земјите од Западен Балкан во огранизација на бугарското МВР, а во рамки на претседателството на Бугарија со Советот на ЕУ.
На средбите се разговараше за Стратегијата за кредибилна перспектива за проширување и приоритетите што ги имаат земјите во рамки на тој процес. Приоритенти теми беа зајакнувањето на заедничката соработка во борбата против тероризмот, превенцијата на насилниот екстремизам, натамошното промовирање на заедничките истражни тимови кои ги вклучуваат земјите од западниот Балкан и земјите членки на ЕУ, како и зајакнување на соработката во борбата против нелегалната трговија со оружје и трговијата со луѓе.
Министрите за внатрешни работи информираа и за безбедносните закани во регионот, преземените мерки и меѓусебната соработка и заеднички пристап на безбедносен план.